Policia e Shtetit ka anuluar garën për emërimin e drejtorëve të tre departamenteve kryesore të institucionit.
Vendimi është bërë publik përmes një njoftimi të datës 28 korrik 2026.
Bëhet fjalë për procedurën e konkurrimit të shpallur më 2 korrik 2026 për pozicionet e drejtorëve të Departamentit të Policisë Kriminale, Departamentit për Kufirin dhe Migracionin, si dhe Departamentit për Marrëdhëniet Ndërkombëtare.
Në njoftim thuhet se ndryshimet në ligj sjellin riorganizimin e strukturës së Policisë së Shtetit.
Për këtë arsye, gara është pezulluar për të garantuar një proces të drejtë, transparent dhe me mundësi të barabarta për të gjithë kandidatët.
Policia sqaron se procedura do të mbetet e anuluar deri në zbatimin e plotë të ndryshimeve ligjore.
Kjo do të thotë se gara pritet të rihapet pasi të përfundojë ristrukturimi i institucionit. Ky vendim vjen vetëm pak javë pasi ishte hapur thirrja për aplikime.
