Sa ministra ka pasur në kabinetin e Ramës që nëse dalin në rrugë askush nuk i njeh? Janë shumë dhe nuk njihen jo për mugesën e pranisë në media, apo rrjetet sociale, madje atë e kanë me tepri, por për logjikën tërësisht të boshtë që ata shfaqën.
Së fundmi po flitet që mund të ketë ndryshime në kabinetin “Rama 4”, por edhe vetë “shefi i madh” e ka kuptuar se nuk është çështje emrash, por mendësie të cilën ai ua ushqen dhe në fund i detyron që të vjellin “ushqimin” që vetë u ka dhënë. Kushdo emër të iki dhe cilido të shfaqet apo rishfaqet, çuditërisht nuk ka asnjë ndikim.
Është nga raste e rralla ku spektakli nuk i bën punë Ramës. Largimi i të paktën katër ministrave ishte informacioni që Rama e hodhi vetë në tregun veror si formën për të shmagur vëmendjen nga proterstat, por edhe kuptuar nëse këto lëvizje do të mbanin të paktën disa javë “popullin e ngrehur”.
Asgjë nuk ndodhi. Indiferenca, dhe ca më shumë tallja ndaj çdo lëvizje të kryeministrit, është vrasje e plotë politike e tij.
Rama kërkon që ata që nuk e duan, të paktën ta urrejnë, por jo ta injorojnë.
Injorimi është vdekja e ngadaltë që ai urren më shumë dhe ndoshta kjo është kuptuar nga shumica qytetare të cilët po i japin atë monedhë që nuk e dëshiron, por që është haraçi për të shkuar drejt ferrit politik.
Sa për ministrat erdhën dhe ikën duke mbetur me kokën pas, mgjashëm me disa syresh grabitësve serial të automjeteve. Si “sëmundje profesionale” u ka mbetur që edhe ku hapin derën e makinës së tyre, shohin 360 gradë dhe u duhet sekonda për ta kuptuar se automjeti është i tyre.
