Partia Socialiste do të zhvillojë të mërkurën mbledhjen e zgjeruar të Grupit Parlamentar të PS dhe kabinetit qeveritar.
Sipas mesazhit të dërguar deputetëve socialistë, mbledhja do të zhvillohet në orën 12:30 në Pallatin e Brigadave.
Mbledhja vjen pak ditë pas miratimit në Kuvend të hartës se re territoriale, e cila shkaktoi tensione dhe kryengritje brenda vetë PS.
“Të nderuar kolegë, Ju njoftoj se ditën e mërkurë, datë 14 tetor 2026, në orën 12:30, do të zhvillojmë mbledhjen e zgjeruar të Grupit Parlamentar në Pallatin e Brigadave.
Për këtë arsye, ditën e hënë, datë 12 tetor, nuk do të zhvillojmë mbledhjen e zakonshme të Grupit”, thuhet në mesazhin e dërguar deputetëve.
