Fituesja ukrainase e konkursit të bukurisë Miss Japonia ka hequr dorë nga kurora e saj pasi një një media i zbuloi lidhjen e saj me një burrë të martuar.
Karolina Shiino, 26 vjeç, u kurorëzua Miss Japonia dy javë më parë, por fitorja e saj ndezi debat publik për shkak të origjinës së saj ukrainase.
Ndërsa disa e mirëpritën kurorëzimin e saj, të tjerë thanë se ajo nuk përfaqësonte idealet tradicionale japoneze të bukurisë.
Mes bujës, një revistë lokale publikoi një ekspoze ku pretendonte lidhjen e saj me një burrë të martuar.
Artikulli në Shukan Bunshun raportoi se Shiino ishte angazhuar në një marrëdhënie me një influencues dhe mjek të martuar. Burri nuk ka dhënë asnjë koment publik.
Në përgjigjen fillestare ndaj raportit javën e kaluar, organizatorët e konkursit mbrojtën zonjën Shiino, duke thënë se ajo nuk e dinte që burri ishte i martuar.
Megjithatë të hënën, organizatorët thanë se ajo kishte rrëfyer se kishte ditur për martesën dhe familjen e burrit. Ajo kishte kërkuar falje që gënjeu dhe organizatorët e kishin pranuar dorëheqjen e saj nga titulli, tha Shoqata Miss Japonia.
Shiino gjithashtu u kërkoi falje fansave të saj dhe publikut të gjerë në një deklaratë të hënën, ku tha se kishte vepruar nga frika dhe paniku në përgjigje të raportimit.
“Më vjen vërtet keq për telashet e mëdha që kam shkaktuar dhe për tradhtinë e atyre që më mbështetën”, tha ajo.
Titulli i Miss Japonisë tani do të mbetet vakant për pjesën tjetër të vitit, megjithëse pati disa nënkampione.
Shiino ishte personi i parë me prejardhje evropiane që fitoi Miss Japonia. Ajo ka lindur në Ukrainë para se të shpërngulej me nënën e saj në Japoni kur ishte pesë vjeç dhe të merrte mbiemrin japonez të njerkut të saj.
