Detaje nga atentati mafioz ku u vra biznesmeni shqiptar, Ylli Bezhani, ndërsa mbetën të plagosur tre persona, mes të cilëve edhe djali 24-vjeçar i viktimës.
Vëllai i biznesmenit Ylli Bezhani i cili mbeti i vrarë të dielën në Francë në një intervistë, zbulon detaje nga atentatin ku mbeti i vrarë 47 vjeçari dhe u plagosën nipi (djali i Saimirit) dhe djali i Yllit.
“Ditën e dielë vëllai, nipi dhe djali im dolën në darkë për të darkuar jashtë. Në një lagje në Grenovël, morën pica për të ngrënë. Një shqiptar, thonë kështu pasi ne nuk e dimë, – s’jemi informuar ende nga policia sepse ngjarja është në hetim – erdhi me motor me bateri, nxjerr dy armë e godet drejtëpërdrejtë. Im vëlla del ballë përballë personit për të mbrojtur dy djemtë. E im vëlla vdiq”
Sipas mediave të huaja, Bezhani është sipërmarrës individual me qendër në ARTIGUES-PRES-BORDEAUX (33370), i specializuar në sektorin e punimeve të mbulimit të dyshemeve dhe mureve.
Saimir Bezhani hedh poshtë versionin që është shpërndarë në media se vëllai i tij është vrarë për shkak të përplasjeve mes grupeve.
“Po hidhet baltë mbi të vdekurin për të shitur një lajm dhe kjo është skandaloze. Vëllai im ka që në 2000 në Bordo. Është sipërmarrës ndërtimi me licencë që nuk e kanë diskutuar as policia në Francë dhe as tatimet. Kur pashë komentet se kështu ndodh me bandat. Djali im, nipi dhe vëllai ishin me pica në dorë. Nëse quhet bandë kur je me pica unë jam i irrituar’ thotë ai.
Pyetje: Ju thoni se nuk ka asnjë lidhje smes vëllait tuaj dhe çfarë përshkruhet si aktivitet kriminal bandash apo jo?
Saimir Bezhani: Unë kam ardhur të hënën këtu pasi mora vesh vdekjen e të vëllait pasi unë jetoj në Bordo. I pashë edhe këtu portalet dhe gazetat e frances por si vura rëndësi pasi e kuptoj racizmin e tyre sa e morën vesh që janë shqiptar por ama që të godasim njëri tjetrin.. Mirë që na goditën me armë, por të na godasin edhe në këtë mënryë, nuk e pranoj dot dhe nuk më vjen mirë. Nuk ia uroj askujt të ndodhë. Ata janë azilantë personat që ishin present.
Pyetje: Në çfarë rethanash ka ndodhur ngjarja. Përse është qëlluar në drejtim të vëllait tuaj. A ka një version, a ke marrë përgjigje?
Saimir Bezhani: Ky djali, 25 vjeç thuhet nga policia ka ardhur me dy armë në dorë. Ka goditur drejtëpërdrejtë. I ka thënë. Kush jeni ju? I ka drejtuar armën drejtëpërdrejtë. Vëllai im ka dalë përpara dy fëmijëve për ti mbrojtur. Pa asnjë lloj motivi. As policia nuk ka motiv.
