KORRIERI ka raportuar dje për skandalin e dy anijeve me mbejtje toksike të nisura nga Porti i Durrësit.
Fakt është se 800 ton pluhur nga furra elektrike u ngarkuan në portin e Durrësit në muajin korrik dhe kishin si destinacion final Tajlandën.
Pluhuri nga furrat, që kërkon trajtim, është një produkt mbeturinash të rrezikshme që zakonisht vjen nga riciklimi i hekurit të përdorur dhe përmban okside metalesh toksike si kadmiumi dhe kromi, të cilat janë të dëmshme për shëndetin dhe mjedisin.
Mediat në Shqipëri nuk e kanë pasqyruar thuajse fare këtë lajm ndërkohë që lajmi u bë publik nga Bloomberg dhe sot ne po ju sjellim në shqip një tjetër artikull të botuar në mendian ndërkombëtare për skandalin e mbetjeve në ngarkesën e dy anijeve në Portin Detar të Durrësit.
Anija me kontejnerë që transportonte qindra ton mbetje të dyshuara të rrezikshme zhduket gjatë rrugës nga Shqipëria në Tajlandë
Shoqatat për ruajtjen e mjedisit bëjnë thirrje për ndalimin dhe kthimin në Evropë
Seattle, SHBA, Bangkok, Tajlandë, Cape Town, Afrika e Jugut.
Një anije e madhe konteinerësh Maersk, që mbante rreth 327 tonë që mendohet se janë kontejnerë mbetjesh të rrezikshme të planifikuara për t’u ankoruar në Cape Town, Afrika e Jugut, është zhdukur pas një paralajmërimi që i erdhi qeverisë së Afrikës së Jugut nga grupi mbikëqyrës ndërkombëtar, Rrjeti i Veprimit të Baselit. (BAN).
Anija, MAERSK CAMPTON, e para nga dy anijet e tilla që transportojnë 100 kontejnerë mbetjesh që kanë origjinën nga Shqipëria në Tajlandë, ishte planifikuar të ankorohej në Afrikën e Jugut, por pas alarmit atje në Sistemin Automatik të Identifikimit të anijes (AIS) sistemi GPS u çaktivizua më 31 korrik dhe anija dështoi të bënte ankorimin e planifikuar me 1 gusht në Cape Town.
Afrika e Jugut ka patrulluar për orë të tëra në ujërat e veta për anijen e zhdukur.
“Ne nuk mund të imagjinojmë asnjë arsye tjetër për këtë sjellje përveç një përpjekjeje nga MAERSK, për të shmangur arrestimin ose vonesat për shkak se anija e tyre mund të jetë përfshirë në trafikimin e mbetjeve të rrezikshme,” tha Jim Puckett, Drejtor Ekzekutiv i BAN. “I bëjmë thirrje MAERSK që të bashkëpunojë menjëherë për të ndihmuar komunitetin ndërkombëtar në parandalimin e hedhjes së paligjshme të mbetjeve të rrezikshme.”
Sipas Konventës SOLAS të Organizatës Ndërkombëtare Detare, sistemi AIS duhet të jetë gjithmonë i ndezur kur anijet janë në lëvizje ose të ankoruara. Vetëm në rast rreziku të afërt, kur kapiteni i anijes është i sigurt se transmetimi i vazhdueshëm i sinjalit rrezikon sigurinë e anijes së tyre, ajo mund të fiket. Më tej, transporti i mbetjeve të rrezikshme pa miratimin e vendit eksportues (Shqipëria), vendeve tranzit (si Afrika e Jugut) dhe vendit të planifikuar importues (Tajlanda) është trafik i paligjshëm i mbetjeve sipas kushteve të Konventës së Bazelit.
Tashmë është konfirmuar se Shqipëria nuk është informuar asnjëherë për eksportin nga eksportuesi dhe Tajlanda nuk ka marrë asnjë njoftim. Vendet tranzit si Afrika e Jugut gjithashtu nuk janë informuar para dërgesës.
Nuk dihet për momentin se ku është MAERSK CAMPTON, por ndërsa pritet të jetë në rrugën e saj drejt ndalesës së ardhshme të planifikuar, ekziston shqetësimi se anija që fsheh vendndodhjen e saj tani mund të shkojë kudo në rajon.
Anija e dytë, MAERSK CANDOR që mbante 60 kontejnerë të tjerë të mbeturinave është aktualisht në një rrugë të ngjashme dhe pret t’i afrohet Afrikë brenda disa orësh. Rrjeti i Veprimit të Baselit (BAN) që mësoi për herë të parë për dërgesën, së bashku me organizatat e drejtësisë mjedisore, Ground Work, Friends of the Earth në Afrikën e Jugut dhe EARTH në Tajlandë po bëjnë thirrje që MAERSK CANDOR të kapet nga Afrika e Jugut dhe do të japë alarmi në të gjithë Azinë Jugore dhe Juglindore duke u bërë thirrje qeverive të ndjekin dy anijet. Ndërkohë, linja e transportit MAERSK është thirrur të ndalojë menjëherë dërgesat në mënyrë që ato të kthehen në vendin e origjinës – Shqipëri.
“Afrika e Jugut sigurisht që mund të jetë e lidhur me shkeljen mjedisore të tregtisë globale të mbetjeve,” tha Musa Chamane, Fushata e mbeturinave për groundWork, (Friends of the Earth Afrika e Jugut). “Ne kërkojmë që kjo anije renegate dhe tjetra të ndiqen, kontejnerët të analizohen këtu për të siguruar që asnjë vend apo oqean tjetër jugor të mos rrezikohet nga hedhja e këtyre mbetjeve toksike. Nëse zbulohet se përmbajnë mbetje toksike, duhet t’i kthejmë drejtpërdrejt tek dërguesi me shpenzimet e tyre dhe nuk duhet të lejohen të qëndrojnë në Afrikë ose të hidhen në Tajlandë.”
Mendohet se në bordin e dy anijeve janë rreth 816 tonë mbetje në 100 kontejnerë të shkurtër. Mendohet gjithashtu se kontenierët mbajnë pluhur toksik të furrës së çelikut të mbledhur nga filtrat e kontrollit të ndotjes.
Linku i shkrimit https://myemail-api.constantcontact.com/Container-ship-carrying-hundreds-of-tonnes-of-suspected-hazardous-waste-disappears-on-its-way-from-Albania-to-Thailand.html?soid=1114999858498&aid=29aI7f3rNX4
