Shqipëria mbyll sezonin veror me një tjetër rekord turistësh të huaj. Por rritja e ndjeshme e çmimeve të shërbimeve të ofruara në disa zona – deri në 90% krahasuar me një vit më parë – ka pasur shumë pasoja në kohëzgjatjen e qëndrimit, shpenzimet e përgjithshme dhe vendndodhjet e zgjedhura për pushime. Aq sa më shumë se një person i brendshëm flet për rrezikun se Shqipëria mund të bëjë të njëjtat gabime si Italia, Kroacia dhe Greqia. Në këto vende pas pandemisë së koronavirusit, çmimet u rritën shumë më tepër se norma e inflacionit, duke dekurajuar mijëra turistë që të vizitonin këto vendi. Ky është një vlerësim i parë i “Corriere della Sera” duke ndërthurur të dhënat zyrtare, numrat e operatorëve në sektor dhe ata të mbledhur.
Bumi i fluturimeve me kosto të ulët
Bumi i fluturimeve me kosto të ulët ka “vjedhur” punën e tragetëve që bëjnë rrugë midis Italisë dhe Durrësit. 3.5 milionë pasagjerë kaluan nga aeroporti ndërkombëtar i Tiranës, 45.8% më shumë se tremujori i 2023.
“Nga këta, 1,35 milionë fluturuan ndërmjet Italisë dhe Shqipërisë duke shënuar një rritje prej 47% krahasuar me një vit më parë,”-kështu shpjegon për “Corriere”, Piervittorio Farabbi, shefi operativ & menaxher përgjegjës i aeroportit shqiptar.
“Nga 1 janari deri më 10 shtator kemi pasur 7,6 milionë pasagjerë dhe tashmë i kemi tejkaluar shifrat për të gjithë vitin 2023 dhe presim ta mbyllim vitin me 10,5 milionë turistë.”
Akuzat
Por ndryshe nga dikur, këtë në vendin e shqiponjave një turist u gjend me çmime që ishin të barabarta me ato italiane. Kjo ka zemëruar vetë shqiptarët dhe e shtyu kryeministrin Edi Rama të ngrejë zërin në korrik.
“Në jug po shohim një rritje absurde. Kjo është vetëvrasje, rritjet e çmimeve do të kenë pasoja në verën e vitit 2025. Dhe është një turp që kjo po ndodh kur ne kemi hyrë në Champions League të turizmit mesdhetar”.
Krahasimi
Vëzhguesit vendas janë ata që bëjnë llogaritë, duke ngritur alarmin në jug. 60 euro ishin banesat më të përballueshme në jug, që vjet gjendeshin me 40-45 euro. Pa folur për dhomat e hotelit që kanë arritur në 500 euro.
Pasojat
Pasoja e parë, ndonëse ende me shifra rekord, u vu re në korrik kur – sipas Ministrisë së Turizmit – në Shqipëri hynë 1.8 milionë turistë të huaj, 2.7% më shumë se në korrik 2023. Në gusht erdhën edhe 2.2 milionë të tjerë. Në Shqipëri ka rënë edhe numri i kosovarëve që frekuentojnë plazhet, pasi këta të fundit këtë vit kishin mundësinë që të frekuentonin Europën falë liberalizimit të vizave me vendet e Bashkimit Europian. Ndaj i takonte italianëve të kuptonin se, krahasuar me vitin 2023, pushimet përtej Adriatikut janë bërë më të shtrenjta në Jug dhe kështu kanë favorizuar pjesën tjetër të vendit.
Ku shkojnë turistët?
“Turistët nga Evropa Qendrore (Poloni, Sllovaki) këtë vit preferuan plazhet e Durazzo-s dhe Golemit,”-shpjegoi Farabbi. Ky i fundit tha edhe se kishin vënë re edhe një rritje të ndjeshme të vizitorëve që shkojnë në ekskursione në këmbë ose me biçikletë në veri dhe në vende të tjera, duke shmangur jugun e vendit.
