Mësohen detaje të reja nga dy orë diskutime të Edi Ramës me drejtuesit politik të qarqeve dhe asamblenë e PS-së.
Gazetari Top Channel Muhamed Veliu nga burime brenda kësaj mbledhje ka mësuar se për cilin qark Edi Rama lëshoi një breshëri me kritika në formë ultimative për të ndryshuar situatën.
Bëhet fjalë për qarkun e Vlorës ku ai është zgjedhur deputet.
Nga analiza e të dhënave Vlora rezulton si qyteti me numrin më të lartë të anëtarëve jo aktiv apo fiktiv.
Për këtë Edi Rama i ka kërkuar deputetëve të këtij qarku të përveshim mëngët e të sjellin një anëtarësi reale.
“Kjo situatë është alarmante. Duhet të marri fund“- citohet të ketë thënë Edi Rama.
I pari socialist e ka lënë porosi “afrim të të rinjve në parti sidomos atyre që vinë nga jashtë“.
