Vasil Bedinaj i Hotel Regina grusht qytetarit në Vlorë pas sherrit për hapësirat
Një qytetar është dhunuar nga pronari i tre Hoteleve ‘Regina’ në Vlorë, Vasil Bedinaj. U raportua se qytetari po i ankohet Bedinajt, për hapësirat e plazhit që kishte zënë hoteli i Bedinajt.
Shiko VIDEON
Në një video të publikuar në rrjetet sociale, shihet pronari i hoteleve ‘Regina’ qëv afrohet godet me grusht në fytyrë qytetarin, i cili më pas reagon, por ndërhyrja e disa personave të tjerë shmangu përshkallëzimin e konfliktit fizik.
Ndërsa një i afërm i Bedinaj shkruan se zënka ka qenë për hapësirat e ‘Jet Ski’ që qytetari kishte zënë.
Sezoni turistik është kthyer në problem të madh gjatë këtij viti për shkak të arrogancës së pronarëve të hoteleve dhe njësive të tjera të shërbimit. Raportohet se mungojnë 20-30% e turistëve të vjetshëm, ndërsa çmimet janë në maksimum. Sjellje të tilla ndërkohë largojnë edhe më tepër qytetarët nga zonat turistike të vendit.
Kush është Vasil Bedniaj?
Vasil Bedinaj është pronari i rrjetit të hoteleve e restoranteve “Regina”. Në dhjetor të vitit 2023, Bedinaj u hetua në gjendje të lirë nga policia, pasi u konstatua duke ndërtuar pa leje në në zonën e Radhimës.
Në një obejkt me 5 kate me leje, Bedinaj po ndërtonte katin e gjashtë pa leje. Në vitin 2016, Vasil Bedinaj, ishte shenjestra e një atentati të dështuar me eksploziv C-4 në zonën e “Liqenit të Thatë,’ në Tiranë.
Në vitin 2019, përmes kompanisë “Hotel Regina-Group”, Bedinaj iu drejtua Bashkisë Vlorë, prefekturës Vlorë, ministrisë së Turizimit, Ministrisë së Mbrojtjes, drejtorisë së Përgjithshme Detare, Agjencisë së Bregdetit, dhe Agjencisë së Zonave të Mbrojtura, për të ngritur një stacion plazhi në Ishillin e Sazanit. /Korrieri
