Pamje të frikshme vijnë nga Florida në Shtetet e Bashkuara të Amerikës, pasi është përfshirë nga uragani “Milton” i kategorisë së 4.
Tornado të mëdha dhe të rrezikshme janë krijuar si pasojë e erërave të forta me shpejtësi mbi 200 km/h.
Pamjet e CNN i përkasin jugut të Floridas, teksa stuhia që konsiderohet më e madhja në 100 vitet e fundit, po i afrohej zonës.
Gjithashtu, për shkak të erërave të forta, niveli i ujit është rritur.
Autoritetet amerikane u kanë bërë thirrje banorëve që të braktisin banesat.
Edhe Presidenti Joe Biden, një ditë më parë kërkoi nga banorët e zonës që do të preket nga uragani “Milton” që të largohen pasi situata do të bëhet e rrezikshme.
