Rrihen punonjësit e Bashkisë Dibër , Bedri Kamberi dhe Ervis Manga u goditën me grushte në Bulevard
Janë zbardhur detaje të tjera në lidhje me sherrin në Bulevardin e Peshkopisë, ku janë rrahur dy punonjës të Bashkisë Dibër.
Sipas të dhënave që ka siguruar në mënyrë ekskluzive Gazeta, janë konfliktuar Bujar Muça me Bedri Kamberin dhe Ervis Mangrën.
Bedri Kamberi dhe Ervis Mangra janë punonjës të Bashkisë së Dibrës, ndërkohë që Bujar Muça nuk ka pozicion në bashki, por është qytetar i Peshkopisë.
Gazeta po interesohet për të zbuluar shkaqet e këtij sherri, i cili duket se nuk është aspak banal duke njohur edhe aferat që kanë ndodhur herë pas here në Bashkinë e Dibrës.
Ngjarja po mbahet e fshehtë edhe nga Policia e Dibrës, e cila nuk jep informacione mbi çfarë ka ndodhur realisht dhe shkaqet e saj.
Ngjarja ka ndodhur rreth orës 16:00 dhe në vendin e ngjarjes ka shkuar policia duke bërë shoqërimin e personave të përfshirë për zbulimin e detajeve dhe shkakut të sherrit. Bashkia Dibër e drejtuar nga Rahim Spahiu ka qenë ne qender te disa skandaleve kohet e fundit pas akuzave te forta per afera ne tendera.
NJOFTIMI I POLICISË
Dibër/Informacion paraprak
Rreth orës 16.00, në bulevardin e qytetit të Peshkopisë, shtetasi B.M., për motive të dobëta është konfliktuar fizikisht me shtetasit B.K., dhe E.M.(punonjës të bashkisë Dibër).
Të tre personat e lartpërmendur janë shoqëruar në Komisariatin e Policisë Dibër dhe nën drejtimin e Prokurorisë, po vijojnë hetimet për zbardhjen e plotë të rrethanave të konfliktit. /Korrieri
