Jo më larg se 20 ditët e fundit janë konstatuar nga sistemi penitenciar dy herë cenimi i sigurisë nga mjetet fluturuese.
Mbas shqetësimit të ngritur nga Klevis Qose, drejtori i Përgjithshëm i Burgjeve, është vendosur që në gjashtë burgje të sigurisë së lartë të instalohen pajisje antidronë.
Burime bëjnë me dije se një fond prej gati 2 milionë euro që do të alokohet nga Ministria e Financave për te bërë të mundur instalimin e antidronëve në burgun e Peqinit, Burgun e Drenovës, Burgun e Burrelit, Burgun e Recit dhe Fushë- Krujë ku edhe mbahen si të burgosur shtetas nën rregjimin e sigurisë së lartë, disa prej tyre edhe nën 41 biss
Në hartën e instalimit të antidronëve është përfshirë nga ekspertët e sistemit penitenciar edhe një paraburgim siç është 313 në Tiranë, ku mbahen eksponentë të krimit dhe ish funksionarë të dyshuar për korrupsion dhe që presin të dalin para drejtësisë për llogari të SPAK.
Gjatë shtatorit u bllokuan në burgun e Burrelit dhe të Peqinit dy dronë, ngjarje që janë ende nën hetim nga prokuroria. Ndërkohë në tre raste, ekspertët e sigurisë në burgje janë vendosur nën alarm për ngritje dronësh edhe në paraburgimin 313 në Tiranë, që më pas kanë rezultuar të pakonfirmuara. Aktualisht në burgje funksionon vetëm sistemi i bllokuesve të valëve, përmes të cilit tentohet të bllokohen telefonatat e fshehta nga aparatet e futur në burgje në mënyrë të paligjshme.
