Miliona amerikanë kanë votuar për zgjedhjen e presidentit të 47-të të Shteteve të Bashkuara. Donald Trump kryeson me 267 vota elektorale, kundrejt 216 të Kamala Harris.
Ndërsa numërimi vijon fotografia vijon të bëhet gjithnjë e më e qartë, në favor të manjatit. Tashmë Trump ka fituar 3 shtete kryesore (Pensilvania, Karolina e Veriut dhe rimori Xhorxhian (Georgia) të cilën e humbi në 2020.
Duhen të paktën 270 vota për të fituar presidencën. Nënpresidentja Kamala Harris fiton në shtetet e Nju Meksikos dhe Virxhinas.
Republikanët janë në avantazh për të fituar edhe një shumicë në Senatin e SHBA-së, duke siguruar 51 vendet që u duhen. Ndërkohë, edhe Dhomën e Përfaqësuesve e kontrollojnë republikanët me një diferencë të ngushtë.
