Zv.kryeministrja Belinda Balluku ka paralajmëruar një padi për deputetin e Partisë Demokratike, Edmond Spaho. Teksa diskutonin në Komisonin e Ekonomisë dhe Financave për buxhetin faktik ka pasur diskutime të forta mes numrit dy të qeverisë dhe demokratit. Në fjalë e tij, Spaho tha se tek projekti i “Thumanë-Kasharit” ka abuzime dhe ka ngritur dyshime edhe tek projekti për tunelin e Llogarasë. Pas fjalës së Spahos, ndërhyri menjëherë Balluku, e cila paralajmëroi një padi në SPAK për demokratin.
Pjesë nga debati Spaho-Balluku:
Edmond Spaho: Po bëhet me 50 milionë euro më shumë.
Belinda Balluku: Je duke thënë gjëra që të betohem kësaj radhe, unë do të të çoj për kallëzim penal. Po të ndërpres sepse po bën deklarata dhe jo pyetje. Dhe një gjë të pavërtetë. The që ka kushtuar 450 mln ndërtimi i Thumanë-Kasharit. Po të pyes, do mbash përgjegjësi për këtë? Sapo the që tenderi i tunelit në Llogara e shpallët njëherë fituesin dhe e anuluat. Edhe këtë po e nënvizoj. Nëse je duke folur për mbështetësit e PD vazhdo dhe bjeri. Ke thënë fakte të rëndë të pavërteta. Kjo nuk është Foltorja e katit të 11. Nëse ti tani nuk do tërhiqesh dhe do të thuash që i kam gabim informacionet, të betohem me gjithë repsektin që kam, me këtë video që kam unë do të të kallëzoj. Ti Jorida mund të qeshësh por duhet të bësh kujdes me të pavërtetat që thua se ndërkohë bën edhe si Jean D’ark i të vërtetës. Sapo u shfaqe, as nuk ke qenë fare këtu dhe na vjen duke qeshur. Avash ironinë moj zonjë.
Jorida Tabaku: Na lër të flasim njëherë. Të kam dëgjuar që në orën 9.30. Çfarë bëra unë?
Edmond Spaho: Lum kush të rrojë ta shohë zonjë Shqipërinë, por të gjitha ngelen në kuadrin e projekteve të cilat kjo mazhorancë shquhet ka disa vite dhe këto historira dëgjojmë me porte, aeroporte, rrugë, autostrada dhe nuk është se dua të jem unë nihilist, por ka disa tregues shumë kokëfortë. Dje diskutuam buxhetin faktik 2023, këtu sot po flasim për investimet publike 88% janë realizuar në 2023 dhe është rezultati më i dobët i 4 viteve të fundit dhe në këtë pjesë Ministria juaj ka pjesën e luanit, më pas investimet e huaja vjet 54% rezultati më i dobët që nga 2009 dhe të ketë shpresë që të gjitha këto që po thoni do realizohen. Po evidentojnë 2 probleme, kostot e rrugëve jo me kot themi rrugë të florinjta, 450 mln euro Thumanë-Kashar me 21 km. E bëtë tenderin e tunelit të Llogarasë, e shpallet kompaninë fituese, anuluat tenderin, e ribëtë me 50 mln euro më shumë.
