E ngarkuara me punë e ambasadës së SHBA-ve, Nancy VanHorn në një reagim në rrjetet sociale i shpreh urimet kreut të SPAK, Altin Dumanit për vlerësimin me Çmimin për Kampionët Kundër Korrupsionit për vitin 2024.
Në reagimin e ambasadës në rrjetet sociale, thuhet se ky çmim nderon guximin dhe integritetin e palëkundur të kreut të Prokurorisë së Posaçme në ndjekjen e drejtësisë.
“Ky çmim nderon vendosmërinë, guximin dhe integritetin tuaj të palëkundur në ndjekjen e drejtësisë në emër të popullit shqiptar. Puna juaj frymëzon të gjithë ata që besojnë në fuqinë e së vërtetës dhe llogaridhënies. Ambasada e SHBA do të vazhdojë të punojë me ju, me SPAK dhe me të gjithë institucionet e drejtësisë për të bërë realitet barazinë përpara ligjit për të gjithë qytetarët e Shqipërisë”, thuhet në reagimin e ambasadës.
