MISTER në Tiranë, hidhet nga pallati polici që arrestoi djalin e biznesmenit Samir Mane
Një ngjarje e rëndë është shënuar ditën e sotme në Tiranë, ku një polici rrugor ka rënë nga kati i shtatë i një pallati.
Bëhet fjalë për A.S, 57-vjeç, Specialist i Qarkullimit Rrugor në Tiranë, i cili ndodhet nën kujdesin intensiv të mjekëve në spital.
Sipas informacioneve paraprake nga Policia e Tiranës, më datë 15.01.2025, në rrugën “Kongresi i Manastirit”, dyshohet se ka ndodhur rënia nga lartësia e pallatit. Grupi Hetimor po vijon punën për zbardhjen e plotë të rrethanave që çuan në këtë ngjarje.
Ngjarja po shoqërohet me mister, pasi disa media po raportojnë se pak ditë më parë i njëjti polic kishte arrestuar djalin e biznesmenit Samir Mane, që u kap i dehur në makinë pasi përplasi disa automjete.
Martin Mane është arrestuar nga policia rrugore e Tiranës pasi ka shkaktuar një aksident rrugor dhe ka rezultuar në gjendje të dehur. Gjithashtu, 28-vjeçari Martin Mane është konfliktuar me efektivët e policisë duke kundërshtuar kryerjen e testit të alkoolit.
Burime zyrtare nga policia e policia e Tiranës konfirmuan se 28-vjeçari ka shkaktuar një aksident me dëme materiale. Ngjarja ndodhi mbrëmjen e djeshme në rrugën “Xhorxh Bush”, pranë parlamentit. Nën drejtimin e një automjeti, i riu ka përplasur dy makina të parkuara dhe më pas është larguar nga vendi i ngjarjes.
Por, disa metra më tej, sipas të njëjtave burime, Martin Mane është ndaluar nga efektivët e policisë. Me këta të fundit nuk është treguar aspak bashkëpunues. Zyrtarisht, policia sqaron se i riu i ka kundërshtuar efektivët për kryerjen e testit të alkoolit. Megjithatë, testi u krye dhe sipas bluve, 28-vjeçari rezultoi në gjendje të dehur.
“Sektori i Qarkullimit Rrugor arrestoi në flagrancë M.M., 28 vjeç, pasi në rrugën ‘Xhorxh Bush’, duke drejtuar automjetin, ka përplasur 2 automjete të parkuara dhe është larguar nga vendi i aksidentit. Disa metra më tej, pas ndalimit nga punonjësit e Policisë, 28-vjeçari i ka kundërshtuar ata për kryerjen e testit të alkoolit, nga i cili rezultoi në gjendje të dehur. Materialet procedurale i kaluan Prokurorisë, për veprime të mëtejshme”, tha policia në njoftimin për ngjarjen. /korrieri
MISTER në Tiranë, hidhet nga pallati polici që arrestoi djalin e biznesmenit Samir Mane
