Pak ditë më parë një statujë e Jezusit u vendos në malet piktoreske të Nikaj Mërturit në Tropojë, një zonë krenare për besimin katolik të ruajtur ndër shekuj.
Pamjet që qarkulluan në rrjetet sociale teguan statujën e fotografuar vetëm nga pas, dhe debati shpesh u zhvendos te ngjashmëria e kësaj statuje me Krishtin e Rios në Brazil. Madje në rrjet nuk munguan as batutat, duke e cilësuar si “Jezusi nga Temu”.
Por duket se ka një arsye përse pamjet nga para të kësaj statuje i janë kursyer publikut, dhe kjo nuk është për shkak të ballkonit me shkallë, xhama dhe “duralumin” ku u instalua statuja.
Jezusi i Tropojës
Është mesa duket për shkak të cilësisë së dobët të punimit, duke bërë që shumë të pyesin, pse ne shqiptarët prodhojmë kaq shumë statuja të shëmtuara? Vlen të kujtohet se nuk është rasti i parë kur qytetarët revoltohen me kualitetin e dobët të skulpturave, të cilave shpesh nuk i ka shpëtuar as heroi ynë kombëtar Gjergj Kastrioti, i njohur si Skënderbeu.
