Detaje tronditëse kanë dalë në dritë rreth rrethanave të plagosjes së rëndë të kryebashkiakes gjermane të Herdecke, Iris Stalzer.
Autore e ngjarjes mësohet se ka qenë vajza e saj e adoptuar, e cila, sipas raportimeve të mediave gjermane, e torturoi nënën e saj për orë të tëra.
Edhe pse fillimisht u raportua për një sulm ndaj 57-vjeçares nga burra të panjohur, hetimi i policisë zbuloi se autorja e krimit ishte vajza e saj e adoptuar, e cila, në fakt, ishte ajo që telefonoi autoritetet duke pretenduar se e kishte gjetur nënën e saj të gjakosur në dhomën e ndenjes së shtëpisë së tyre.
Siç u zbulua, Iris Stalzer kishte 13 plagë me thikë në pjesën e sipërme të trupit, si dhe shumë plagë dhe fraktura në kafkë.
Pavarësisht lëndimeve të shumta, politikania e SPD-së mbijetoi dhe zbuloi të vërtetën rreth sulmit që, siç tha ajo për policinë, e bëri vajza e saj e adoptuar.
Siç raporton Bild, politikania 57-vjeçare rrëfeu se u torturua nga vajza e saj e adoptuar në bodrumin e shtëpisë për orë të tëra.
Sipas të njëjtit burim, Stalcher i tha policisë se 17-vjeçarja e kishte goditur me dy thika të ndryshme. Gjithashtu e kishte goditur në kokë me një objekt të rëndë dhe i kishte djegur flokët e rrobat duke i vënë flakën me deodorant e çakmak.
Policia gjeti një nga thikat e përdorura në sulm në çantën e shpinës së djalit 15-vjeçar, gjithashtu të adoptuar, të 57-vjeçares, si dhe rroba të njollosura me gjak që besohet se i përkisnin autores së ngjarjes.
Stalcher u gjet në një kolltuk në dhomën e ndenjes së shtëpisë së saj, pa u sqaruar ende se si ia doli të arratisej nga bodrumi ku e mbante 17-vjeçarja.
Megjithatë, oficerët e mjekësisë ligjore gjetën prova se ishin bërë përpjekje për të hequr gjakun dhe prova të tjera nga zona përreth kolltukut ku u gjet 57-vjeçari, duke ngritur dyshine se zona ishte pastruar.
Ndërsa motivi mbetet i paqartë, media gjermane raportoi se kishte pasur një mosmarrëveshje midis nënës dhe fëmijëve të saj të adoptuar gjatë verës, me raportime për dhunë në familje dhe përdorim të një thike.
