Drejtori i Përgjithshëm i Policisë së Shtetit Ilir Proda ka firmosur mesditën e sotme shkarkimin nga detyra të Drejtorit të Drejtorisë Vendore Lezhë, Drejtues Altin Mena dhe emërimin si zëvendësdrejtor për Sigurinë Publike në DVP Kukës.
Është shkarkuar gjithashtu nga detyra edhe zv.drejtori për Rendin, Kryekomisar Taulant Gjoka dhe është emëruar shef i Sektorit të Sigurisë Publike në DVP Shkodër.
Ndërkohë, Drejtori i Përgjithshëm ka komanduar në detyrën e Drejtorit të DVP Lezhë, zv/drejtorin për Hetimin e Krimit, në DVP drejtues Kujtim Gjoka.
Janë shkarkuar nga detyra Shefi i Komisariatit të Policisë Dibër Mariglen Duçi dhe shefi i Komisariatit të Policisë Kamëz Besmir Dervishi dhe janë emëruar respektivisht si shef i Sektorit për Hetimin e Krimeve në Kukës dhe shef i Seksionit të Krimeve ndaj Pronës në DVP Tiranë.
Ervis Gjoshi, eshte emëruar shef i komisariatit në Dibër, ndërsa Sentilian Ndreu, emërohet përkohësisht, shef i Komisariatit nr. 5.
