Presidenti i SHBA-së, Donald Trump deklaroi sërish se nuk e përjashton mundësinë e dërgimit të trupave tokësore në Iran nëse nuk arrihet një marrëveshje me Teheranin.
I pyetur nëse po e refuzonte një opsion të tillë, Trump u përgjigj për gazetën amerikane “The Hill” se nuk po e refuzonte atë.
Edhe pse ai nënvizon se arritja e një marrëveshjeje do të ishte gjëja më e zgjuar.
“Njerëzit normalë do të bënin një marrëveshje. Njerëzit e zgjuar do të bënin një marrëveshje. Nëse do të ishin të zgjuar, do të bënin një marrëveshje”, tha Trump për The Hill.
Presidenti i Shteteve të Bashkuara tha gjithashtu se asnjë objektiv infrastrukturor nuk përjashtohet nga sulmet e mundshme në rast të një mosmarrëveshjeje.
