Detaje të tjera kanë dalë në dritë lidhur me arrestimin e biznesmenit Ilir Shtufi në kuadër të operacionit të gjerë të SPAK kundër trafikut të drogës dhe pastrimit të parave.
Sipas informacioneve, Shtufi është arrestuar në Selanik të Greqisë. Ai kishte planifikuar të udhëtonte drejt Turqisë dhe, sipas itinerarit të tij, pritej të kthehej në Shqipëri të hënën.
Ndërkohë, gjatë veprimeve hetimore, SPAK ka sekuestruar edhe telefonin celular të bashkëshortes së Shtufit, i cili pritet t’i nënshtrohet verifikimeve dhe ekspertizave në kuadër të hetimit.
Arrestimi i Shtufit vjen si pjesë e operacionit të zhvilluar nga SPAK, i cili goditi një rrjet të dyshuar kriminal të përfshirë në trafik ndërkombëtar droge dhe pastrim parash. Hetimet vijojnë për të zbardhur rolin e secilit prej personave të përfshirë në dosje.
