Një tërmet me magnitudë 4.7 ballë ka goditur zonën e Napolit, duke u konsideruar lëkundja më e fuqishme e regjistruar në rajon gjatë katër dekadave të fundit.
Lëkundjet sizmike u ndjenë në të gjithë qytetin, duke shkaktuar panik mes banorëve. Sipas autoriteteve italiane, 21 persona kanë mbetur të plagosur, ndërsa dy prej tyre ndodhen në gjendje të rëndë.
Dëmet më të mëdha janë raportuar në Pozzuoli, ku janë shembur dy ndërtesa të pabanuara, ndërsa një skelë ka pësuar dëmtime të konsiderueshme.
Pas tërmetit kryesor, zona është goditur nga mbi 30 pasgoditje, duke rritur shqetësimin e banorëve. Për shkak të rrezikut nga lëkundje të tjera, shumë familje e kanë kaluar natën jashtë banesave.
Autoritetet italiane kanë vijuar kontrollet në ndërtesat dhe infrastrukturën e prekur, ndërsa ekipet e emergjencës mbeten në terren për të monitoruar situatën dhe për të garantuar sigurinë e qytetarëve.
