Është identifikuar personi që dyshohet se shkoi në një pikë Exchange në Tiranë dhe mori 100 mijë euro, në kuadër të skemës së mashtrimit ku autorët u shtirën si biznesmeni Bashkim Ulaj përmes inteligjencës artificiale.
Bëhet fjalë për Agron Cenën, me origjinë nga Delvina, i cili raportohet se banon në Gjermani.
Ai dyshohet se është personi që shkon fizikisht në pikën e këmbimit valutor për të marrë shumën e parave, pasi 70-vjeçari ishte bindur se po komunikonte me biznesmenin Bashkim Ulaj.
Policia ka arrestuar dy persona për rastin, ndërsa vijojnë hetimet për kapjen e personave të tjerë të përfshirë në skemë.
