Hashim Thaçi, Jakup Krasniqi, Kadri Veseli dhe Rexhep Selimi, ish-krerë të Ushtrisë Çlirimtare të Kosovës u shpallën sot fajtorë për krime lufte. Sot Gjykata Speciale në Hagë i dënoi për ndalim të paligjshëm të 385 personave, trajtim mizor, torturë dhe vrasjen e 96 prej tyre. Krahas dënimit dhe përshkrimit të provave për dhunë brutale të konstatuara në prilli të vitit 1998 dhe qershorit 1999, veç pjesëmarrjes në UÇK: Thaçi, Krasniqi, Veseli dhe Selimi, janë katër nga figurat historike që ushtruan detyrën si deputet, kryeminisët, ministër e president.
Në 2020 ish-krerët e UÇK përfunduan në qelitë e Hagës, por ajo që lanë pas ndër vite, ishte kontributi për Kosovën, një shtet i pavaruar!
Hashim Thaçi, lindi më 24 prill të vitit 1968 në Skënderaj në Kosovës, vendi ku e pati zanafillën Ushtria Çlirimtare e Kosovës (UÇK). Ai iu bashkua UÇK-së në vitin 1993, ndërsa në vitin 1999 u bë një nga udhëheqësit kryesor të ushtrisë.
Thaçi u bë udhëheqës i Partisë Demokratike të Kosovës (PDK), e cila fitoi pjesën më të madhe të votave në zgjedhjet e vitit 2007 në Kosovë. Një vit më vonë, Thaçi shpalli pavarësinë e Kosovës më 17 shkurt 2008. Në vitin 2016, ai u zgjodh President i Kosovës.
Ai e dha dorëheqjen nga posti i Presidentit në vitin 2020 pasi Dhomat e Specializuara të Kosovës dhe Zyra e Prokurorit të Specializuar në Hagë ngritën një aktakuzë me dhjetë pika kundër Thaçit dhe të tjerëve, duke i akuzuar ata për krime kundër njerëzimit dhe krime lufte gjatë përfshirjes së tyre më UÇK-në.
Sot me 16 shtator 2026 u dënua me 25 vite burg nga trupi gjykues në Hagë.
Jakup Krasniqi, lindi më 1 janar 1951 në Drenas të Kosovës. Në vitet 1981 ai u arrestua për arsye politike nga pushtuesi serb, pasi si petagog filloi veprimtarinë politike në ilegalitet. Në 1991 ai u lirua dhe një vit më vonë u zgjodh deputet në parlamentin e Kosovës.
Krasniqi u bë Zëdhënës i Shtabit të Përgjithshëm të Ushtrisë Çlirimtare të Kosovës gjatë periudhës 1998-1999 dhe u përfshi aktivisht në ndërtimin e strukturave të UÇK-së gjatë luftës. Pas zgjedhjeve të para në Kosovën e çliruar në periudhën 1999- 2000 u zgjodh ministër i Ministrisë për Rindërtim dhe Zhvillim.
Ndërsa në mars të vitit 2002 deri në dhjetor 2004, ai mbajti postin e ministrit në Ministrinë e Shërbimeve Publike në Qeverinë e Kosovës. Në nëntor të vitit 2020 u arrestua për krime lufte kundër njerëzimit të paraqitura para Dhomave Speciale të Kosovës, ndërsa sot më 16 shtator 2016 u dënua me 25 vite burg nga Gjykata në Hagë.
Kadri Veseli, lindi më 31 maj 1967 në Mitrovicë. Veseli u angazhua në lëvizjen studentore në Kosovë gjatë viteve 1988-1990, e cila kërkonte të drejtat themelore të njeriut dhe të drejtën politike, përfshirë edhe të drejtën për pavarësi të Kosovës. Gjatë luftës, Veseli ishte i lidhur me strukturat e inteligjencës së UÇK-së, e njohur si Shërbimi Informativ i UÇK-ose ndryshe Zbulim-Kundër, deri në fund të luftës kur u shndërrua në të ashtuquajturin Shërbimi Informativ i Kosovës ose SHIK.
Gjithashtu ai ishte pjesë e rrethit drejtues të organizatës. SHIK-u zyrtarisht përmbylli misionin në vitin 2008 kur Kadri Veseli shpalli shpërbërjen e saj. Në fund të vitit 2012, Kadri Veseli u bashkua me Partinë Demokratike të Kosovës (PDK), ndërsa në 27 janar 2013 u bë zëvendëskryetar i partisë. Veseli u votua Kryetar i Kuvendit të Republikës së Kosovës më 8 dhjetor 2014, pas dorëheqjes së Jakup Krasniqit.
Veseli u bë edhe kreu i partisë pas dorëheqjes së Hashim Thaçit në vitin 2016 për shkak se Thaçi u emërua President i Republikës së Kosovës. Një vit më vonë, më 7 shtator 2017, Veseli rizgjidhet sërish Kryetar i Kuvendit. Në vitin 2020, ai u padit për krime lufte dhe krime kundër njerëzimit gjatë Luftës së Kosovës dhe u transferua në paraburgim në Hagë. Sot me 16 shtator 2026 u dënua me 18 vite burg nga Gjykata e Hagës për krime lufte.
Rexhep Selimi, lindi më 15 mars 1971 në Skënderaj të Kosovës. Selimi doli publikisht si themelues dhe anëtar i Shtabit të Përgjithshëm i UÇK-së më 28 nëntor 1997. Pas luftës, ai vijoi angazhimin politik në Kosovë. Gjatë viteve 1999- 2000 ka qenë Ministër i Rendit Publik në Qeverinë e Përkohshme të Kosovës.
Nga viti 2000 deri në 2003 Rexhep Selimi ka qenë Komandant i Akademisë së Mbrojtjes dhe Komandant i Komandës së Trajnimit dhe Doktrinës në TMK. Rexhep Selimi mban mbi supe gradën gjeneral major. Edhe pas luftës, Selimi ishte deputet i Kuvendit të Kosovës dhe për vite me radhë ishte pjesë aktive e jetës politike të vendit.
Në vitin 2010, ai i bashkohet Lëvizjes Vetëvendosje dhe zgjidhet deputet tri herë radhazi, përkatësisht në Legjislaturën IV, V dhe VI, dhe zgjedhjet e fundit në vitin 2020, para se të thirrej në Hagë. Rexhep Selimi ka qenë anëtar i Komisionit Parlamentar për Punë të Brendshme, Siguri dhe Mbikëqyrjen e Forcave Speciale të Kosovës. Rexhep Selimi u transferua në paraburgim në Hagë në nëntor 2020, ndërsa gjykimi filloi në prill 2023. Selimi është shpallur fajtor sot më 16 shtator 2026 nga trupi gjykues të Dhomave të Specializuara të Kosovës, duke u dënuar me 13 vite burg.
Nga luftëtarë për liri, në poste për formimin e shtetit të pavarur të Kosovës, sot ish-krerët e UÇK-së në bankën e të akuzuarve në Hagë i bashkon vendimi ‘fajtor’.
