Vdiq punëtori , arrestohen dy përgjegjës të kompanisë Pespa Alumin në Durrës
Policia ka arrestuar dy persona në lidhje me aksidentin në punë, që ndodhi ditën e djeshme në Shkozet të Durrësit.
Arrestimi i përgjegjësve të kompanisë Pespa Alumin ndodhi pas aksidentit ku humbi jetën njëri prej punëtorëve të firmës.
“Në vijim të informacionit të dhënë ditën e djeshme, për shtetasin D. N. që humbi jetën gjatë punës në një firmë për përpunimin e duraluminit, pasi dyshohet se u dëmtua nga një makineri, informojmë se specialistët për Hetimin e Krimeve të Komisariatit të Policisë Durrës, në vijim të veprimeve hetimore për këtë rast, arrestuan në flagrancë për veprën penale “Shkelja e rregullave të mbrojtjes në punë”, shtetasit L. H., 47 vjeç, banues në Durrës dhe G. A., 52 vjeç, banues në Tiranë, përgjegjës për sigurinë në këtë firmë“, njofton policia.
Punëtori i fabrikës “Pespa Alumin” humbi jetën pasi u dëmtua nga makineria.
Njoftimi i policisë:
Në vijim të informacionit të dhënë ditën e djeshme, për shtetasin D. N. që humbi jetën gjatë punës në një firmë për përpunimin e duraluminit, pasi dyshohet se u dëmtua nga një makineri, informojmë se specialistët për Hetimin e Krimeve të Komisariatit të Policisë Durrës, në vijim të veprimeve hetimore për këtë rast, arrestuan në flagrancë për veprën penale “Shkelja e rregullave të mbrojtjes në punë”, shtetasit L. H., 47 vjeç, banues në Durrës dhe G. A., 52 vjeç, banues në Tiranë, përgjegjës për sigurinë në këtë firmë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme. /korrieri
