Një metër dhe ajo do të ishte e sigurt. Sipas mediave italiane kjo është distanca që i kushtoi jetën Adela Xhaferrit natën e së premtes së 6 dhjetorit.
Të premten, 27-vjeçarja shqiptare sapo kishte përfunduar turnin e saj të punës në pastiçerinë Dolce Notte në via Lechi të Breshias. Jashtë po e priste i dashuri i saj me makinë. Ai e mori 27 vjeçaren në makinë për ta shoqëruar në shtëpinë e tij në Rovato, rreth gjysëm ore larg nga qyteti.
Pasi doli nga unaza jugore, në zonën e Travagliato, në kryqëzimin me A-35, makina e tyre rrëshqiti dhe përfundoi duke u rrotulluar. Dy të rinjtë nuk pësuan lëndime por kur ajo u largua paksa nga makina e përmbysur, një makinë që po vinte drejt saj e përplasi duke e lënë të vdekur. Vetëm 1 metër dhe do të ishte ende gjallë
Ardhja e ambulancës së thirrur nga i dashuri, ishte e kotë. Rikonstruksioni i detajuar i dinamikës së aksidentit po shqyrtohet nga policia, e cila sipas mediave italiane i ka nënshtruar menjëherë analizave të alkoolit si të dashurin të vajzës ashtu edhe shoferit që e aksidentoi por asnjëri prej tyre nuk kishte pirë. /korrieri
