Presidenti i SHBA-së, Donald Trump, tha të hënën se ka një “shans shumë të mirë” që Rusia dhe Ukraina të mund të arrijnë një marrëveshje këtë javë për t’i dhënë fund luftës që zgjati më shumë se tre vjet.
“Ka një shans shumë të mirë”, i tha Trump një gazetari kur u pyet nëse mendonte se Moska dhe Kievi mund të arrinin një marrëveshje këtë javë.
“Patëm takime shumë të mira për Ukrainën, Rusinë”, shtoi ai. Vërejtjet e tij erdhën gjatë eventit vjetor të Pashkëve “Easter Egg Roll” që u mbajt në Shtëpinë e Bardhë.
Lidhur me bisedimet bërthamore SHBA-Iran, Trump tha: “Patëm takime shumë të mira për Iranin”.
Lidhur me tensionet tregtare me BE-në, Trump shprehu besim se do të arrihej një zgjidhje, duke thënë: “Në fund të fundit do të kemi një marrëveshje me këdo”.
Kur u pyet për raportet që pretendonin se Sekretari i Mbrojtjes Pete Hegseth përsëri ndau detaje të ndjeshme rreth sulmeve ajrore të planifikuara amerikane në Jemen në një bisedë private në grupin Signal, Trump shprehu mbështetje të fortë për shefin e mbrojtjes.
“Ai po bën një punë të shkëlqyer”, tha Trump. “Pyetini Huthitët se si po ia del.” /korrieri
