Agi Kons, një nga kompanitë më të mëdha të ndërtimit në Shqipëri, tashmë është me pronësi të huaj. Biznesmeni Gentjan Sula ka vendosur të transferojë në Angli pronësinë e kompanisë, e cila ka ndërtuar Kodrën e Diellit si dhe një sërë projektesh të tjera madhore në Tiranë dhe bregdet.
Dokumentat zyrtare tregojnë se transferimi i pronësisë është bërë në dhjetor të vitit të kaluar, përmes një kontrate shkëmbimi aksionesh, ku aksionet e Agi Kons i kanë kaluar një kompanie të quajtur UK Development Holding Limited. Kjo e fundit është një shoqëri e regjistruar në Londër në gusht të vitit të kaluar dhe zotërohet në masën 100 për qind po nga Gentjan Sula.
Transferimi i pronesise se Agi Kons ne Angli
Përmes kësaj lëvizje, Gent Sula mbetet pronari fundor i Agi Kons, por tashmë aksionet e saj i kontrollon nga Anglia.
Në kontratën e shkëmbimit të kuotave, biznesmeni e motivon riorganizimin e kompanive në pronësi të tij si një lëvizje për të optimizuar operacionet, por edhe për të eksploruar mundësinë e zgjerimit në tregun britanik.
Por kjo lëvizje vjen në një kohë kur kompania ishte vënë nën hetim nga SPAK për dosjen Veliaj. Vetë biznesmeni Sula tashmë është nën masë shtrënguese nga gjykata me “detyrim paraqitje.
Agi Kons është një nga kompanitë më të mëdha të ndërtimit në Shqipëri. Aktualisht kompania ka një kapital prej 1.5 miliardë lekësh ose 12.6 milionë paundësh, i cili ka kaluar i gjithi nën pronësinë e anglezes UK Development Holding Limited.
SHIKO EDHE:
Çim Kazazi nga Librazhdi, shqiptari HERO bën xhiron e mediave në Angli, shpëton një grua nga përmbytjet!
Makina shoshë me plumba, Kristian Marku tentoi t’u ikte atentatorëve, por…
“Edhe pse thuhet që është konflikt 30 vjeçar, nuk është i tillë”, Artan Hoxha ‘zbërthen’ vrasjen e Kristjan Markut
FOTO/ Si duket tani anëtari i klanit Duka, Elvis Gaçaj
FOTO/ Gjykata e Tiranës e dënoi për dhunë ndaj Elia Zaharisë dhe babait të saj, Princ Leka shfaqet krah partneres së re në Lushnje!
Ekzekutimi i Kristjan Markut/ Viktimë e sagës hakmarrëse mes fiseve mirditore, i riu lidhje me të fortët e Vlorës
