Policia ka arrestuar administratorin e një farmacie në kryeqytet, 35-vjeçarin A. H., pasi rezultoi se tregtonte medikamente mjekësore të të kontrabanduara.
Gjatë kontrollit në farmacinë e tij në bulevardin “Zogu i Parë”, shërbimet e Policisë gjetën dhe sekuestruan medikamente mjekësore të dyshuara të kontrabanduara, me një vlerë të përafërt prej 35 000 eurosh.
Përveç administratorit, ka nisur procedimi penal edhe për shtetasen A. M., 33 vjeçe, e punësuar në mënyrë të paligjshme në farmaci.
Materialet procedurale i janë dorëzuar Prokurorisë për veprime të mëtejshme ligjore.
