Qamil Haxhiu, babai i Laert Haxhiut deklaroi sot se akuzat ndaj djalit të tij janë të fabrikuara nga policia e shtetit që sipas tij nuk ka asnjë provë apo gjurmë.
Ai ka hedhur poshtë akuzat ndaj djalit të tij, i akuzuar për disa ngjarje kriminale, të zbardhura pas dëshmive të të penduarit Artan Tafani.
Po a ka folur ai me djalin që ndodhet në burg në Greqi? “Po. Kam folur me djalin. Në këtë situatë djali do të dalë direkt me “Skype” me avokatin” tha ai.
Por çfarë mendon i ati për akuzat për masakrën e Lushnjes? “O baba, më tha djali atëherë unë nuk jam fare në Shqipëri”.
“Laerti nuk ka armiq, vetëm miq. Këto janë shashka që i hedh policia për të thënë se kemi kapur kriminelë. A ka policia shenja gishtash të djalit tim, tabulate apo prova të tjera.
Çfarë janë këto more? Këta po i bëjnë terror njerëzimit në Lushnje” tha ai. “Nuk e di kujt i intereson “prerja” e kokës së djalit tim” tha ai.
