Presidenti Donald Trump njoftoi se ushtria amerikane ka kryer një sulm në Karaibet jugore, duke shkatërruar një anije që transportonte drogë dhe duke vrarë 11 anëtarë të bandës venezueliane Tren de Aragua.
Ai tha se operacioni ndodhi në ujëra ndërkombëtare dhe kishte në shënjestër narkotrafikantë që synonin SHBA-në.
Administrata Trump ka shtuar presionin ndaj presidentit Nicolas Maduro, përfshirë një shpërblim prej 50 milionë dollarësh për arrestimin e tij për akuza droge. Maduro është zotuar se Venezuela do t’i rezistojë çdo ndërhyrjeje ushtarake amerikane.
