Vendi sot do të përballet me një rrezik të shtuar për përhapjen e zjarreve, veçanërisht në një pjesë të madhe të territorit të vendit.
Sipas parashikimeve nga Instituti i Gjeoshkencave, niveli i rrezikut “i lartë” pritet në qarqet Durrës, Tiranë, Elbasan, Fier, Berat, Vlorë dhe Gjirokastër. Ndërkohë, në qarqet Shkodër, Kukës, Dibër, Lezhë dhe Korçë parashikohet nivel rreziku “i moderuar”.
Temperaturat do të vijojnë të jenë të larta.
Në bregdet: nga 22°C deri në 32°C.
Në zonat e ulëta: nga 19°C deri në 36°C.
Në zonat malore: nga 14°C deri në 32°C.
Era do të fryjë e lehtë deri mesatare, ndërsa kombinimi i temperaturave të larta dhe mungesës së reshjeve rrit ndjeshëm rrezikun për zjarre, veçanërisht në zonat me bimësi të thatë.
