Personi në foto është 39-vjeçari me origjinë shqiptare, Bledar Dedja, me të cilin familjarët kishin humbur kontaktet që prej mbrëmjes së djeshme.
Pasi mbaroi punën, ai duhej të kthehej në shtëpi në Asolo në provincën e Trevisos, por askush nuk e pa më, deri mëngjesin e kësaj të diele kur trupi i tij u gjet i pajetë në Paderno. Trupi i pajetë i shqiptarit u gjet jashtë makinës së tij.
Në trupin e tij kishte plagë të thella me thikë në kokë, gjoks, si dhe në duar, shenjë e përpjekjes për t’u mbrojtur. Ndërkohë, arma e ftohtë e vrasjes nuk u gjet në vendin ku ndodhi krimi.
Akoma nuk ka një pistë konkrete ku përqendrohen hetimet mbi motivet dhe autorin/ët e kësaj ngjarje. Bledar Dedja punonte në restorantin “L’Antica Abbazia” në Borso del Grappa që nga viti 2021.
