Prapaskena rrëqethëse janë mësuar shumë muaj pas vetëvrasjes së shqiptarit Leonard Farruku.
Dailymail, shkruan se stafi në anijen ku mbaheshin emigrantët e paligjshëm qeshën dhe bënë shaka me vdekjen e tij.
27-vjeçari mendohet se i ka marrë jetën vetes. Shumë ish-banorë në anijen “Bibby Stockholm” i thanë një hetimi se kushtet ishin si të ishe ‘në burg‘.
Njëri tha se kjo i bënte të ndiheshin si ‘kafshë kopshti zoologjik‘, ndërsa një tjetër pretendoi se stafi i sigurisë u kishte thënë që ‘të mbanin gojën mbyllur‘.
Një pastruese në maune foli në një takim në Parlament dhe tha se dëgjoi stafin që flisnin për Leonardin dhe qeshnin dhe bënin shaka, ‘oh kjo është një gojë më pak muslimane për të ushqyer‘.
Ajo tha se ishte ‘e vështirë’ të ngrinte shqetësime dhe shtoi se një herë iu dha një ‘paralajmërim verbal për të qenë shumë ‘miqësor’ pasi qëndroi pranë dy prej azilantëve.
Ish-punonjësja gjithashtu pretendoi se stafi i lartë kishte bërë komente që ishin ‘shpesh armiqësore dhe ndoshta raciste’.
“Bibby Stockholm”, i ankoruar në brigjet e Portland në Dorset, është e vetmja anije akomoduese për migrantët e porositur deri më tani nga ministrat dhe është përballur me një sërë pengesash që nga mbërritja e saj.
Zbulimi i baktereve të rrezikshme çoi në evakuimin e tij verën e kaluar vetëm disa ditë pas mbërritjes së azilkërkuesve të parë dhe mbeti bosh për dy muaj.
Raporti, i prodhuar nga Care4Calais, Stand Up To Racism dhe Portland Global Friendship Group, bëri thirrje për mbylljen e menjëhershme të anijes dhe mos rinovimin e kontratës së saj, si dhe investime në vendimmarrësit e kërkesave për azil.
Levana tha se i kishte parë banorët si të respektueshëm, të dobishëm dhe të sjellshëm, por stafi i lartë kishte bërë komente që ishin ‘shpesh armiqësore dhe ndoshta raciste’.
Një zëdhënës i Home Office tha: “Ne nuk i njohim pretendimet e bëra në këtë raport”.
Një tjetër ish-banor, S, i tha hetimit: ‘Kur dalim dhe hyjmë duhet të skanohemi, si siguria e aeroportit. Shumë njerëz nuk dalin jashtë për shkak të kësaj’.
“Një ditë isha duke qëndruar në restorant dhe thashë se ushqimi nuk ishte i mirë. Stafi i sigurisë tha ‘Mbaje gojën mbyllur dhe ulu’.
Zyra e Brendshme hodhi poshtë planet për të blerë më shumë anije për të mbajtur azilkërkuesit në janar.
“Bibby Stockholm” po strehonte pak më pak se gjysmën e numrit të emigrantëve që Zyra e Brendshme priste të kishte në fund të atij muaji.
