Nga Ksamili në Koman, Policia Kufitare ka bllokuar 21 mjete lundruese nga të cilat 15 janë bllokuar në Vlorë, 3 në Shkodër dhe dhe 3 në Durrës.
Sipas policisë shkeljet e konstatuara janë: lundrim në zonë të ndaluar, ushtrim i aktivitetit të turizmit detar në kundërshtim me ligjin, tejkalim i numrit të pasagjerëve të lejuar në bord, mosregjistrim i mjetit lundrues brenda afatit të përcaktuar dhe mungesë dokumentacioni.
Krahas bllokimit të mjeteve lundruese, drejtuesit e tyre u ndëshkuan me gjoba që variojnë nga 10 000 deri në 100 000 lekë.
Mjetet e bllokuara janë 11 Jet Ski, 4 gomone, 4 skafe dhe 2 varka.
