U kapën me 11 kg kokainë në Itali, dy kushërinjtë shqiptarë Gencian Subashi dhe Shkëlzen Abazi akuzojnë njëri-tjetrin
Dy kushërinjtë shqiptarë kanë zgjedhur dy rrugë të ndryshme gjyqësore, të dy të akuzuar se kanë transportuar një ngarkesë të madhe droge, 11 kilogramë kokainë të pastër, e gjetur më 30 mars 2023 pas një kontrolli nga Karabinierët në Latina. Ata janë 49-vjeçari Gencian Subashi dhe 37-vjeçari Shkëlzen Abazi, të dy me kombësi shqiptare, shkruajnë mediat italiane.
Genciani i mbrojtur nga avokatja Agrippina Porcelli do të gjykohet me procedurë të shkurtuar, i dyti Shkëlzeni, i ndihmuar nga avokatët Italo Montini dhe Maria Antonietta Cestra, po përballet me gjykimin e zakonshëm para trupit gjykues të dytë të Gjykatës Latina, të kryesuar nga gjyqtarja Francesca Coculo. Sot më 7 maj është zhvilluar seanca e fundit për 37-vjeçarin shqiptar përpara diskutimit dhe dënimit të caktuar për datën 4 tetor.
Abazi Shkëlzen është marrë në pyetje dhe ka lëshuar një deklaratë spontane të detajuar në të cilën ka thënë se nuk ka lidhje me akuzat. Ai shpjegoi se në momentin e arrestimit punonte për kushëririn e tij Gencian Subashin, i cili drejton një kompani importi eksporti të specializuar në tregtimin e luleve. Ai ka shpjeguar se e kishte huazuar furgonin nga kompania e kushëririt të tij dhe se më pas ishte dëshmitar i një kalimi të çuditshëm që ndodhi pasi të dy ishin larguar së bashku nga parkingu i lokalit Tavola. Në rrugë, kushëriri do t’i thoshte të tërhiqej dhe në atë moment do të kishte ndërhyrë një person i tretë, i paidentifikuar kurrë, me të cilin do të bëhej shkëmbimi.
Pasi dëgjoi versionin e të akuzuarit, prokurori publik De Lica i bëri 37-vjeçarit pyetjen kryesore të çështjes. Madje, edhe kushëriri i tij, 49-vjeçari Gencian Subashi Gencian pretendon se është inkuadruar. Problemi është se të dy akuzojnë njëri-tjetrin, dy versione të barabarta, por të kundërta. I akuzuari i sotëm tha se nuk mund t’i kuptonte këto akuza dhe se refuzoi edhe përballjen me kushëririn e tij, të cilin e kishte parë për një kohë të shkurtër pas arrestimit, pasi u tërbua kur kishte lexuar për akuzat që i kishte bërë. Një luftë akuzash dhe kundërakuzash për një ngarkesë mjaft të madhe kokaine.
Që në fillim, të dy, siç raportojnë karabinierët, u shfaqën veçanërisht të acaruar dhe të padurueshëm dhe për këtë arsye iu nënshtruan një kontrolli që rezultoi se u gjetën të fshehura 16 blloqe kokainë, secila rreth 1 kilogram brenda një koshi plehrash. Gjithsej rreth 16 kilogramë drogë.
