Vangjel dhe Marga Ajdini është çifti i cili humbi jetën ditën e sotme pas aksidentit tragjik të ndodhur në orën 05:30 në aksin rrugor “Tepelenë-Fier”.
Një autobot që drejtohej nga Sazan Arapi u përplas me fordin ku udhëtonte çifti Ajdini. Sazan Arapi dhe pasagjerja që ndodhej në autobot, Arjanisa Arapi, e cila dyshohet se është bashkëshortja e tij kanë mbetur të lënduar.
Të dy janë dërguar në spital për ndihmë mjekësore dhe ndodhen jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
