Tre shqiptarë janë burgosur pasi oficerët e policisë përdorën një dron gjatë një bastisjeje në një mulli të pashfrytëzuar në Halifax, ku zbuluan një “fabrikë” të sofistikuar kanabisi, e cila mund t’u kishte siguruar rreth 2.8 milionë paund fitime.
Ronaldo Pasha, 24 vjeç u burgos me 3 vjet e nëntë muaj. Ndërsa Elvis Shira, 33 vjeç dhe Bledar Zeqo, 40 vjeç, të cilët nuk kishin asnjë dënim të mëparshëm, u dënuan me 45 muaj burg.
Kur një ekip oficerësh mbërriti në Carlton Works në Savile Park Road nëntorin e kaluar, droni ishte në gjendje të dallonte tre meshkujt duke përdorur shkallët për të kapërcyer një çati xhami përpara se të përpiqeshin të arratiseshin.
Prokurori Jordan Millican i tha një gjyqtari në Gjykatën Bradford Crown të martën se shumica e dhomave përmbanin 150-200 bimë, por një dhomë përmbante pak më shumë se 1000 bimë dhe një tjetër më shumë se 1800./korrieri
