Policia e Vlorës ka arritur falë reagimit të menjëhershëm të parandalojë një ngjarje të mundshme kriminale.
Sipas njoftimit të bluve mësohet se këtë të martë ata janë njoftuar për një konflikt në fshatin Fitore, ku një 46-vjeçar kishte dhunuar fizikisht dhe kërcënuar me thikë bashkëjetuesen e tij.
Kanë qenë forcat e policisë ata të cilët kanë shkuar menjëherë në vendin e ngjarjes ku dhe kanë bërë të mundur arrestimin e shtetasit B.S, 46-vjeç.
46-vjeçari dyshohet se ka dhunuar fizikisht bashkëjetuesen e tij me qëllim që ajo të tërhiqte kërkesën për t’u pajisur me urdhër mbrojtjeje ndaj tij.
Gjatë kontrollit fizik ndaj 46-vjeçarit, në momentin e arrestimit, shërbimet e Policisë gjetën dhe sekuestruan mjetin prerës (thikë) me të cilën dyshohet se ka kërcënuar partneren e tij.
Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Vlorë, për veprat penale “Dhuna në familje” dhe “Kanosja për të mos kallëzuar”.
Njoftimi i plotë i Policisë:
Ndërhyrja e shpejtë dhe veprimet profesionale të shërbimeve të Policisë parandalojnë përshkallëzimin e një ngjarjeje të mundshme kriminale në një familje, në fshatin Fitore.
Kapet dhe vihet në pranga 46-vjeçari që ushtroi dhunë fizike ndaj bashkëjetueses së tij dhe e kanosi atë, me mjet prerë (thikë), që të tërhiqte kërkesën për t’u pajisur me urdhër mbrojtjeje ndaj tij.
Shërbimet e Komisariatit të Policisë Vlorë kanë ndërhyrë menjëherë pas marrjes së njoftimit për një rast dhune në një familje në fshatin Fitore, njësia administrative Novoselë, bashkia Vlorë. Si rezultat i ndërhyrjes së menjëhershme u bë arrestimi në flagrancë i shtetasit B. S., 46 vjeç, banues në fshatin Fitore, i cili dyshohet se ka ushtruar dhunë fizike ndaj bashkëjetueses së tij dhe e ka kanosur atë, me mjet prerës (thikë), që ajo të tërhiqte kërkesën për t’u pajisur me urdhër mbrojtjeje.
Gjatë kontrollit fizik ndaj 46-vjeçarit, në momentin e arrestimit, shërbimet e Policisë gjetën dhe sekuestruan mjetin prerës (thikë) me të cilin ai dyshohet se ka kanosur bashkëjetuesen.
Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Vlorë, për veprat penale “Dhuna në familje” dhe “Kanosja për të mos kallëzuar”./korrieri
