Kandidatja socialiste për deputete në qarkun e Shkodrës, Edona Bilali, ka hequr nga rrjetet sociale spotin e saj elektoral që u prit me reagime të shumta kritike nga publiku.
Në video, aktori Besnik Çinari interpreton një të moshuar të sëmurë që kërkon ndihmën e një mjeku. “Nipi” i tij e sjell mjekun, dhe i moshuari pyet nëse do të arrijë të jetojë deri më 11 maj.
Pasi merr një përgjigje shpresëdhënëse, ai premton votën për Bilalin. Spoti u konsiderua i papërshtatshëm nga shumë ndjekës, duke e shtyrë kandidaten të tërheqë materialin nga platformat online. /korrieri
