Vëllezërit Allgjata 10 milionë euro evazion fiskal në Pezë Helmës, Tatimet kryejnë kontroll të befasishëm dhe nxjerrin faturat
Një kontroll i befasishëm i Task Forcës së Administratës Tatimore, në bashkëpunim me strukturat e Ministrisë së Bujqësisë, ka zbuluar një skemë të madhe evazioni fiskal në tregtimin e prodhimeve blegtorale. Sipas të dhënave zyrtare nga Drejtoria e Përgjithshme e Tatimeve, subjekti kishte fshehur të ardhura në vlerën e rreth 10 milionë eurove gjatë dy viteve të fundit.
Burime të “Gazeta Korrieri” bëjnë me dije se bëhet fjalë për stabilimentin e mishit “Vëllezërit Allgjata”, e cila operon në zonën e Pezë Helmësit.
Hetimet nisën pas informacioneve operative, ndërsa kontrollet në terren konfirmuan shkeljet.
Ky biznes, i njohur për reklamat e shpeshta duke përdorur figura të njohura të ekranit, dyshohet nga tatimet se shmangu detyrimet tatimore për një periudhë të gjatë, duke dëmtuar konkurrencën e ndershme dhe buxhetin e shtetit.
Drejtoria e Tatimeve thekson se do të ketë zero tolerancë ndaj rasteve të tilla dhe u bën thirrje subjekteve të zbatojnë ligjin, ndërsa qytetarët të denoncojnë çdo abuzim që prek sigurinë ushqimore dhe formalizimin e tregut.
Ky zbulim pritet të pasohet me hetime të mëtejshme dhe masa ndëshkuese ndaj përgjegjësve./korrieri
SHIKO EDHE:
Qeveria miraton EMRAT: 15 personalitete SHQIPTARE përfitojnë PENSION të POSAÇËM 1 MILION lekë! Nga Bashkim Hoxha deri te…
Temperatura deri në -6 gradë, si do të jetë moti sot
Kush është At Joan Pelushi, mund të pasojë Janullatosin në krye të Kishës Ortodokse Shqiptare
Si e pritën të burgosurit? Salianji: Kam qenë në qeli me kriminelë që njihen si krerë bandash
Shuhet në Shqipëri ish-ambasadori gjerman Werner Daum, u gjet i vdekur në hotel!
Atentati ndaj Aredin Beharit, dëshmon Skerdi Tase: Henrik Hoxhaj kishte siguruar makinën e armët…
