Të tjera detaje dalin në drita nga rasti i dyshuar i abuzimit të 19-vjeçares nga oficeri Jetmir Uta në Dibër.
“Nuk e njihja, më shkroi në whatsapp një person me këtë numër (që i përket policit), ku më thotë ‘kam video dhe foto të tuat’, nëse nuk më takon, do t’i publikoj.”, ka dëshmuar e reja, raporton gazetarja Anila Hoxha.
Kjo është arsyeja pse u nda me të motrën dhe hipi në makinën e oficerit, i cili shërbente si oficer në patrullën e përgjithshme të policisë Dibër.
Dy ditë para abuzimit, vajza është paraqitur me të ëmën, (e cila kishte mbushur 18 vjeçe në tetor), dhe ka kryer denoncimin.
Prokurorja e çështjes nuk ka vendosur ende se kur do të kërkojë masën e sigurisë, që pritet të mbahet në fillim të javës.
Kujtojmë se deri më tani Uta ka refuzuar të flasë zyrtarisht.
