Moti i ditës së nesërme, 12 janar 2026, do të karakterizohet nga temperatura shumë të ulëta në mëngjes dhe kohë e qëndrueshme gjatë ditës në të gjithë vendin.
Sipas parashikimeve, mëngjesi do të jetë i ftohtë, me temperatura që në zonat malore dhe verilindore do të zbresin deri në -5 gradë Celsius, ndërsa në pjesën tjetër të vendit do të luhaten nga -2 deri në 0 gradë. Në këto kushte pritet ngricë, veçanërisht në akset malore dhe rrugët dytësore.
Gjatë orëve të paradites dhe mesditës, moti do të jetë kryesisht i kthjellët, pa reshje. Temperaturat maksimale do të arrijnë 4 deri në 7 gradë Celsius, më të larta në ultësirën perëndimore.
Era do të jetë e dobët dhe nuk parashikohet të krijojë problematika.
Autoritetet u bëjnë thirrje drejtuesve të automjeteve të tregojnë kujdes në orët e para të ditës për shkak të ngricave dhe rrëshqitjes së mundshme në rrugë. /korrieri
