Kryeministri Edi Rama ka bërë sot ndryshime në stafin e tij në Kryeministri, duke sjellë lëvizje të rëndësishme në pozicionet kyçe të administratës qeveritare.
Sipas informacioneve, pas disa muajsh spekulime për largimin e tij, Engjëll Agaçi është larguar nga detyra. Në vend të tij pritet të emërohet Elsonida Rama, e cila më parë ka punuar në Ministrinë e Drejtësisë.
Një tjetër ndryshim ka prekur postin e shefit të kabinetit. Pas largimit për arsye personale të Vali Bizhga, detyrën e ka marrë Vilma Guri.
Ndryshimet vijnë në një moment të rëndësishëm për administratën qeveritare, ndërsa pritet të shihet se si do të ndikojnë në organizimin e brendshëm dhe në ritmin e punës së Kryeministrisë.
