Një ngjarje e rëndë është regjistruar mbrëmjen e kësaj të hënë në Kuçovë, ku një shtetas ka qëlluar me armë zjarrin efektivin e Policisë, me ininciale A.T.
Përmes një njoftimi zyrtar Policia e Shtetit ka bërë me dije se rreth orës 19:00, shërbimet e Komisariatit të Policisë Kuçovë ishin dukë kryer shoqërimin e 45-vjeçarit me ininciale Z.S.
Mirëpo, gjatë shoqërimit të këtij shtetasi nga Komisariati i Fierit, drejt atij të Kuçovës, ai ia ka rrëmbyer armën e shërbimit policit 20-vjeçar dhe e ka plagosur këtë të fundit.
Ngjarja ka ndodhur pas një konflikti që i arrestuari ka pasur me efektivin.
I menjëhershëm ka qenë reagimi i efektivëve të tjerë, të cilët kanë bërë të mundur neutralizimin e 45-vjeçarit, ndërkohë që polici është dërguar në spital.
Fatmirësisht ai ndodhet jashtë rrezikut për jetën.
Gjatë kontrollit fizik, shërbimet e Policisë i gjetën autorit të fshehur në trup një sasi lënde narkotike të dyshuar kokainë.
Grupi hetimor dhe Agjencia e Mbikëqyrjes Policore, nën drejtimin e Prokurorisë, po punojnë për sqarimin e plotë të rrethanave të ngjarjes dhe për të verifikuar zbatimin e procedurave standarde të shoqërimit të personave nga ana e Patrullës së Policisë.
Njoftimi i Policisë
Rreth orës 19:00, shërbimet e Komisariatit të Policisë Kuçovë po kryenin shoqërimin e shtetasit Z. S., 45 vjeç, banues në Kuçovë, nga Komisariati i Policisë Fier drejt ambienteve të Komisariatit të Policisë Kuçovë, i dyshuar për veprën penale “Prishja e qetësisë publike”.
Gjatë shoqërimit, shtetasi Z. S, është konfliktuar me punonjësin e Policisë shtetasin A.T., 20 vjeç, dhe gjatë konfliktit i ka marrë armën e shërbimit punonjësit të Policisë dhe e ka plagosur.
Patrulla e Policisë e ka neutralizuar dhe i ka marrë armën shtetasit Z. S., ndërsa punonjësi i Policisë është transportuar për ndihmë mjekësore në spital dhe ndodhet jashtë rrezikut për jetën.
Gjatë kontrollit fizik, shërbimet e Policisë i gjetën të fshehur në trup një sasi lënde narkotike të dyshuar kokainë.
Grupi hetimor dhe Agjencia e Mbikëqyrjes Policore, nën drejtimin e Prokurorisë, po punojnë për sqarimin e plotë të rrethanave të ngjarjes dhe për të verifikuar zbatimin e procedurave standarde të shoqërimit të personave nga ana e Patrullës së Policisë.
