Policia e Tiranës ka konfirmuar gjetjen e një trupi të pajetë në fshatin Cerujë. Dyshohet se trupi i përket Eglant Koçit, i cili rezulton i zhdukur që prej 4 qershorit.
“Në territorin e fshatit Cerujë, lagjja Domush, është gjetur në proces dekompozimi një trup njeriu i seksit mashkull. Shërbimet e Policisë dhe grupi hetimor, nën drejtimin e Prokurorisë, vijojnë hetimet dhe verifikimet me qëllim identifikimin e shtetasit, si dhe zbardhjen e rrethanave të tjera të rastit”, thuhet në njoftimin e Policisë.
Autoritetet vijojnë punën për identifikimin e viktimës dhe sqarimin e plotë të rrethanave të ngjarjes.
