Policia e Vlorës ka goditur tre raste të armëmbajtjes pa leje dhe shpërndarjes së lëndëve narkotike në qytet dhe në zonat bregdetare, duke arrestuar dy persona dhe sekuestruar armë, municion luftarak dhe sasi droge të dyshuara për shitje.
Gjatë kontrollit të ushtruar në automjetin dhe banesën e tij, policia gjeti dhe sekuestroi një armë zjarri pistoletë, një krehër arme, 44 fishekë luftarakë të kalibrave të ndryshëm, si dhe një sasi lënde të dyshuar narkotike kokainë të ndarë në doza, e dyshuar si e përgatitur për shitje.
Po ashtu u arrestua edhe A.C., 18 vjeç, banues në Vlorë, i cili u kap në Dhërmi me sasi të lëndëve narkotike kokainë dhe cannabis sativa.
Sipas hetimeve paraprake, i riu dyshohet se i posedonte këto lëndë me qëllim shpërndarjen e tyre në zonën bregdetare dhe në qytetin e Vlorës.
