Ne kemi siguruar një tjetër rrëfim interesant me një vajzë e cila konsiderohet eskortë e një niveli të lartë financiar. Ajo, është rasti i atyre vajzave që punojnë me klientë të zgjedhur, me shuma të mëdha parash. Pak a shumë, ajo kryen aktivitet shoqërues ndaj personave të caktuar të cilëve u ofron edhe shërbime seksuale.
“Më duhet të them në Tiranë dhe në Shqipëri, klientët janë të sjellshëm dhe xhentilë. Ne kemi të bëjmë me klientë të mirë. Merremi me biznesmenë, burra të martuar. Në përgjithësi janë shumë të mirë.
Kam profil në platformat online për eskorta ku marr klientë. Gjithashtu është dhe menaxheri që më gjen klientë. Kam dëshira ta quaj kështu, pasi ma bën këtë punë më të lehtë. Ne i ndajmë fitimet, pjesën më të madhe është 50-50”, u shpreh eskorta
Rasti i kësaj vajze nga Amerika e Jugut është më specifik se rastet e tjera që zbuluam. Ajo nuk akuzon askënd. Pranon se e kryen këtë aktivitet me dëshirën e saj. Madje, tregon se punon në konsensus dhe harmoni të plotë me tutorin e saj…
“Nuk më pëlqen ta quaj tutor, pasi ai nuk është tutor. Ai nuk më ka detyruar që të bëj asgjë pa dëshirë. Më ndihmon klientët, më ndihmon të jem e sigurtë dhe prandaj dua ta cilësoj si menaxher. Ne punojmë së bashku”, u shpreh eskorta
E reja pranon madje të tregojë dhe fitimet e majme që i sjell ushtrimi i prostitucionit. Klientët e saj dukshëm janë të një niveli më të lartë. Mes tyre, nuk mungojnë personazhet e njohur në vendin tonë nga fusha të ndryshme.
“Çdo muaj është ndryshe. Ne kemi numër të ndryshëm çdo muaj, por pak a shumë 20-22. Varet. Fitimet? Janë personale, por mund të them se është nga 150-500 euro, por varet.
Nuk ka shumë djem të rinj, por ka biznesmenë që vijnë, figura publike, kemi klientë të ndryshëm, por të pasur”, u shpreh eskorta.
