Rreth 100 mijë persona janë larguar nga Teherani gjatë dy ditëve të para të sulmeve ajrore nga Shtetet e Bashkuara të Amerikës dhe Izraeli ndaj Iranit, njoftoi UNHCR. Sipas agjencisë së OKB-së për refugjatët, lëvizjet e popullsisë janë kryesisht të brendshme dhe deri tani nuk ka rritje të ndjeshme të kalimeve ndërkufitare. Situata në pikat kufitare, përfshirë Islam Qala, mbetet relativisht e qëndrueshme.
Ndërkohë, Sekretari amerikan i Mbrojtjes, Pete Hegseth, konfirmoi se një nëndetëse amerikane ka fundosur një anije luftarake iraniane pranë brigjeve të Sri Lanka, duke shkaktuar dhjetëra viktima. Zyrtarë amerikanë thanë gjithashtu se Irani ka reduktuar lëshimin e raketave drejt objektivave në rajonin e Gjirit.
Operacionet ushtarake, të nisura më 28 shkurt paralelisht me sulmet izraelite, pritet të vazhdojnë, ndërsa organizatat ndërkombëtare paralajmërojnë për rritje të mundshme të numrit të të zhvendosurve nëse konflikti përshkallëzohet më tej.
