VIDEO/ Arrestohet Flamur Avdyli , vëllai i Astrit Avdylit kapet në Kavajë, policia jep detajet 

VIDEO/ Arrestohet Flamur Avdyli, vëllai i Astrit Avdylit kapet në Kavajë, policia jep detajet 

Policia e Kavajës arrestoi dy ditë më parë Flamur Avdylin, i cili ka kryer punime në volume të mëdha pa lejen e autoriteteve përkatëse në plazhin e Golemit duke ndërtuar aty një mol.

Ekzekutime dhe aleanca mafioze/ Grupi i Vis Martinajt pakt me Arben Ndokën dhe Emiljano Shullazin për të eliminuar Durim Bamin, vrasjet që u zbardhën. Roli i Avdylajve të Shijakut – Detajet e PLOTA të megaoperacionit të SPAK

Avdyli u arrestua bashkë me dy persona të tjerë që u kapën duke kryer punimet, ndërkohë që nga videoja e shpërndarë prej policisë duket se dëmi i shkaktuar është tepër i madh. 

Shiko VIDEON

Flamur Avdyli është vëllai i Astrit Avdylit, një personazh i njohur për drejtësinë në Shijak, i kapur në përgjime për zgjedhjet në Durrës, ndërkohë që sëfundmi në komunikimet e SKY rezulton bashkë me të vëllanë Altin Avdylaj mes 50 personave që SPAK ka lëshuar urdhër arresti. 

Njoftimi i policisë 

U kapën në flagrancë duke kryer punime për ndërtimin e paligjshëm të një moli, në plazhin e Golemit, vihen në pranga 3 shtetas. 

Sekuestrohen 1 kamion dhe 1 ekskavator. 

Si rezultat i kontrolleve që po kryhen 24/7, me qëllim parandalimin dhe goditjen e rasteve të ndërtimeve pa leje, veçanërisht në zonat urbane dhe në ato bregdetare, shërbimet e Komisariatit të Policisë Kavajë, të mbështetura nga informacionet e inteligjencës policore, evidentuan 1 rast të kësaj paligjshmërie, në Golem. 

Në vijim të veprimeve procedurale për këtë rast, u arrestuan shtetasit: 

F. A., 54 vjeç, banues në Shijak, i proceduar penalisht më parë për veprën penale “Ndërtimi i paligjshëm”, G. L., 48 vjeç, banues në fshatin Rrashbull, Durrës, dhe A. Gj., 35 vjeç, banues në Golem. 

Këta shtetas janë kapur në flagrancë duke kryer punime, pa lejen e organeve kompetente, për ndërtimin e një moli afër stacionit të plazhit në pronësi të shtetasit F. A. 

Vijojnë kontrollet dhe verifikimet për të konstatuar dhe goditur raste të tjera të ndërtimeve të paligjshme, si dhe të krimeve të tjera kundër mjedisit. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Arrestohet Flamur Avdyli , vëllai i Astrit Avdylit kapet në Kavajë, policia jep detajet